این آر سائنس سنٹر کے پروگرام میں سرکل انسکپٹر خلیل پاشاہ کی طلبہ کو نصیحت

حیدرآباد میں موجود این آر سائنس سنٹر میں دسویں جماعت کے طلبہ کے وداعی پروگرام کا انعقاد عمل میں لایا گیا جس میں سرکل انسکپٹرخلیل پاشاہ بہاردپورہ نے شرکت کی اور اس موقع پر دیگر اسکولس کے ڈائرکٹر اور ذمہ داران نے بحیثیت مہمانان خصوصی شرکت کی اس موقع پر جناب خلیل پاشاہ نے طلبہ سے خطاب کیا اور مفید مشوروں سے نوازہ اپنے خطاب میں کہا کہ اگر آپ کو دنیا کے ساتھ قدم سے قدم ملاکر چلنا ہے تو سائنس اور پولیس ڈپارمینٹ میں موجودگی درج کروائے اور اسی طرح دنیا میں دو ہی اہم چیزیں ہے کامیابی اور ناکامی ،اور اسی طرح آدمی کو دنیا میں کامیاب ہونے کے لیے تیز ہونا ضروری نہیں ہے بلکہ کتابوں کے مطالعہ اور اس میں دلچسپی لگانا ضروری ہے ،اور انہوں نے اپنے تعلیمی دور کا واقعہ پیش کیا کہ وہ تعلیمی دور میں پڑھنے میں آگے نہیں تھے لیکن اپنی محنت اور دلچسپی کی وجہ سے میں اتنی اہم عہد پر فائز ہوں ،اور اسی طرح مجھے خوشی ہوتی ہے کہ عفان نعمانی جیسے نوجوان ریسرچ اسکالرتعلیمی میدان میں مسلمانوں کے ماضی اور مستقبل کے بارے میں اخبارات اور میڈیا میںآواز اٹھاتے ہیں اور اسی طرح این آر سائنس سنٹرکے ذریعہ مسلمان طلبہ میں سائنس اور ریسرچ کے بارے میں شعور بیدار کررہے ہیں لیکن اس مہم میں اس وقت تک مضبوطی نہیں آئے گی جب تک کہ ہم تمام اس میں بڑھ چڑھ کر حصہ نہیں لیں گے میں اس موقع پر موجود تمام اسکولس کے ڈائرکٹر اور ذمہ داران کو یہ کہتا ہوں کہ اس طرح کے پروگرام اپنے اپنے اسکولس اور مقامات پر کروائے اور مسلمانوں میں شعور بیدار کریں اور مسلم نوجوانوں کو ترقی کی طرف گامزن کرنے پر توجہ دیں اور اسی کے ذریعہ نوجوانوں میں ترقی کی راہیں نکلیں گی ، اور کہا کہ اگر آپ کو دنیا کے ساتھ قدم سے قدم ملاکر چلنا ہے تو سائنس اور پولیس ڈپارمینٹ میں موجودگی درج کروائے۔پروگرام میں این آر سائنس سنٹر کے ڈائرکٹر اور ریسرچ اسکالرس انجئینر عفان نعمانی نے اپنی رپورٹ کا حوالہ دیتے ہوئے کہا کہ ہندوستان کے تعلیمی اداروں میں داخلہ لینے والوں میں سب سے کم تعداد مسلمانوں کی ہے۔43فیصد ایسے طلبہ ہیں جنہوں اسکول کی صورت ہی نہیں دیکھی ۔تعلیم کو درمیان میں چھوڑنے والوں میں سب سے زیادہ تعداد مسلمانوں کی ہیں !اوسطاً ایک سال میں ہندوستان ہونے والے 513پی ایچ ڈی اسکالر میں مسلم پی ایچ ڈی اسکالر کی تعداد ایک فیصد ہے ! یونیرسکوڈیولیمنٹ رپورٹ کے مطابق پوری دنیا میں اسرائیلی ایک سال میں 40کتابیں پڑھتا ہے اور یورپین ایک سال میں35کتابوں کا مطالعہ کرتا ہے جب کہ مسلم ایک سال میں ایک یا ایک سے کم کتاب کا مطالعہ کرتا ہے ! کتنی حیرت کی بات ہے کہ جس قوم کے پیغمبر پر قرآن کی پہلی آیت اقرا(پڑھو) نازل ہوئی اسی قوم کی حالت آج کی تاریخ میں اتنی خراب ہے کہ وہ پوری دنیا میں اس کو مطالعہ میں سب سے نیچے درجہ میں شمار کیا جارہا ہے ۔انجئنیر نعمانی نے پولیس آفسر خلیل پاشاہ کے باتوں سے متفق ہوتے ہوئے کہا کہ یقیناًہمیں مایوس ہونے کی ضرورت نہیں ہے بلکہ ہمیں اپنی محنت سے پوری دنیا میں اپنا لوہا منوا سکتے ہیں ،اس لیے ضروری ہے کہ مسلم نوجوان زیادہ سے زیادہ اپناوقت علم حاصل کرنے اور کتابوں میں لگائے ،اس موقع پر این آر سائنس سنٹر کے ایم ۔ڈی سید نذیر اور دیگر مہمان ایڈوکیٹ ذاکر علی ،سن ریز ہائی اسکول کے پرنسپل محمد محسن،النور انسٹیوٹ کے ڈائرکٹر خواجہ معز اور فہاد خان نے خطاب کیا اور طلبہ کے مستقبل کے لیے مبارکباد پیش کی ۔